من هو ذو القرنين ؟

[مجد الدين]

موضوع منقول للنقاش حول شخصية ذو القرنين و علاقته بالمهدي و الدجال



نبدا الاطروحة:

من المعروف ان المسيح الدجال و المهدي المنتظر مش مذكورين في القرأن .. اظن محدش عندة اعتراض ؟؟
العبد لله عندة اعتراض .. انا معترض
في اعتقادي المتواضع ان المهدي المنتظر و المسيح الدجال الاتنين , مذكورين بالاسم و اللقب
فاكرين لما سيدنا النبي قال ان سورة الكهف تنجي من فتنه المسيح الدجال .. مظبوط ؟
طيب ممكن نركز شويه في قصه ذي القرنين ..
ذي القرنين اللي قيل انه بني سد بين جبلين وحابس وراه يأجوج وماجوج
طب ممكن تسيبك من الكلام دا خالص و تركز معايا و تنسي كل ما قيل عنه من تفسير خلال 1400 سنه
اولا حذكر واقعه مهمه جدا :
سبب نزول الايات ان وفد من اليهود راحوا يسئلوا النبي محمد (صلي الله عليه وسلم ) 3 اسئلة علشان يتاكدوا منها هل هو نبي ولا لا , السؤال التالت كان عن رجل طوافه ( رحالة ) , كان المتوقع الايات تنزل بهذ الشكل ( و يسئلونك عن رجل طوافه ) انما الي حصل ان الايات نزلت
وَيَسْأَلُونَكَ عَن ذِي الْقَرْنَيْنِ
لما احبار اليهود بصوا للايات و مقدروش يستعبوها سئلوا النبي و من يكون ذو القرنين أهو ملك ام نبي ؟
النبي اجاب اغرب اجابه ممكن يتخيلها عقل
قال لا ادري
طب المفسرين فسروا اذاي ؟؟؟؟؟ و فسروا ايه؟؟؟؟ اذا كان النبي قال لا يدري
تعالوا نخش في الموضوع
الايات اتذكرت في صورة الكهف الي اولها قصه اهل الكهف
وَتَرَى الشَّمْسَ إِذَا طَلَعَت تَّزَاوَرُ عَن كَهْفِهِمْ ذَاتَ الْيَمِينِ وَإِذَا غَرَبَت تَّقْرِضُهُمْ ذَاتَ الشِّمَالِ
اظن الكلام واضح : الشمس طلعت يعني الصبح و الشمس غربت يعني بالليل و دا اسم زمان
و في الاية 130 من سورة طه
وسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا
ايضا طلوع و غروب الشمس يقصد بها زمن
لما نجي لقصه ذو القرنين و نلاقي كلمه بلغ مغرب الشمس و بلغ مطلع الشمس جميع المفسرين علي مدار 1400 سنه مفسرنها اسم مكان , مع انها اسم زمان
يعني الراجل دا انتقل في الزمن ووصل لمغرب الشمس اخر الزمان و رجع لمطلع الشمس اول الزمان
اصل الراجل دا اسمه ذو القرنين
و القرن هو وحدة زمنيه مدتها 100 سنه
يعني الراجل دا عاش في زمنين مختلفين فربنا اطلق عليه لقب ذو القرنين
انا عارف ان الموضوع صعب انك تصدقه انما تعالي نمشي واحدة واحدة
الراجل وصل مغرب الشمس يعني اخر الزمان لقها تغرب في عين حمئه يعني حرب و نار و دمار وفساد فمسك الظالمين عذبهم , يعني الراجل دا احنا ان شاء الله حنقبله قريب و اعتقادي ان هو دا المهدي ( حيبقي من الافنجرز الخارقون زي افلام الخيال العلمي بالظبط )
و بعدين رجع لمطلع الشمس اول الزمان و جدها تطلع علي قوم لم نجعل لهم من دونها سترا , يعني ناس لسه عرايا ... دول مين ؟؟؟ ادم وحواء وابنأهم وهما لسه نازلين علي الكوكب في اول الزمان
و بعدين راح بين السدين وجد من دونهما .. مين دونهما دول ؟؟ ( الانس و الجن ) الثقالين , و السدين هما البعدين بنا و بنهم , و كان فيه قوم تالت ( مخلوق تالت غير الانس و الجن ) لا يفقهون قولا و مغلسين علينا و علي الجن طلبنا منه يعمل سد تالت (بعد تالت) لهم
فَهَلْ نَجْعَلُ لَكَ خَرْجًا عَلَىٰ أَن تَجْعَلَ بَيْنَنَا وَبَيْنَهُمْ سَدًّا
قال اعينوني بقوة وانا حردمهم بين البعدين , و الاية اللي بعدها ربنا وصفلنا طريقه الردم
_____________________________________
حنسيب الموضوع دا و نطير علي سويسرا في مركز سيرن لابحاث الذرة
عاملين جهاز عملاق اسمه المصادم الكبير
Large Hadron Collider
حطين قاذفين ذريين وش في وش بعض ( مصادمين ) , بيجيبوا ذرات المعادن و يعملوها معدلات تسارع عاليا جداً تقترب من سرعه الضوء و بيساوا بين معدلات التسارع و بيعدين يقزفوها وش في وش بعض فيحدث انفجار البج بانج الي ادي الي حدوث الكون و نشأ منه الزمان والمكان
يعني
بيجيبوا ذرات المعادن و يساوا معدلات التصارع بين المصادمين و بعدين يقذفوهم فيحدث انفجار
الايه بتقول
آتُونِي زُبَرَ الْحَدِيدِ ۖ حَتَّىٰ إِذَا سَاوَىٰ بَيْنَ الصَّدَفَيْنِ قَالَ انفُخُوا ۖ حَتَّىٰ إِذَا جَعَلَهُ نَارًا قَالَ آتُونِي أُفْرِغْ عَلَيْهِ قِطْرًا
يعني الراجل دا كان عندة مصادفين زي المصادمين بتوع مركز سيرن و اكثر تطورا منهم لانه معاه القطر الي في اعتقادي المتواضع انها المادة المضادة او المادة المظلمة الي لسه علماء الفيزياء مش قادين يصطادوها علي شان يحلوا بيها نظريه
كل شئ , هي اسمها كدا
the theory of everything
و فيه فيلم واخد جايزة اوسكار بنفس الاسم عن قصه حياه عالم الفيزياء استيفن هوكنج
انما ذو القرنين كان عندة حل النظريه اصله ( اوتي من كل شئ سببا )
يعني سيدنا النبي قال 17 ايه بيشرح فيهم محاضرة فيزياء متقدمة لاهم نظريه فيزيائيه في القرن ال 21 , وبيتكلم عن نسيج الزمكان لاينشتين و ابعاد الكون لنظريه الوتر ( نظرية كل شئ ) و بيشرح التجربه العلميه باسم الجهاز ( المصادف ) و طريقه تشغيله و اسم النظريه و النتائج المتوقعه من النظريه و هي فتح بوابه للزمان والمكان
و هو لا يدري .. علشان مكنش ينفع يقلهم ان ذي القرنين هو عالم كيمياء و فيزياء نوويه
_________________________
انا عارف انك مش مصدق .. انما يمكن الي عندة استعداد يصدق حيسئلني
طب لو افترضنا ان المهدي هو ذو القرنين و جاي بالانتقال عبر الزمن .. فين المسيح الدجال ؟
المسيح الدجال اسمه ذو القرنين بردو و دا بقي نسبه الي القرنين الي في دماغو زي اي فيلم بنصور فيه الشيطان بقرنين و هي دي فكرة الشر لدي كل الموروثات و كل العصور السابقه
وهو دة اللي متفسر في التوراه في السفر المختوم
هو مارد من الجن متلبس شكل انسان و محبوس في بعد اخر زي ياجوج وماجوج
يعني
المهدي جاي بالانتقال عبر الزمن
المسيح الدجال و ياجوج و ماجود حيجوا لما يتفتح بعد اخر من ابعاد المكان الغير مرئي يعني الي مش بنشوفها زي ما احنا مش بنشوف الجن بالظبط كدا .. حيتفح و يطلع من محبسه ( لانه من المنظرين الي وقت معلوم )
سيدنا المسيح بن مريم حيجي بقدرة الخالق
مش قلتلكوا انهم الافنجرز الخارقون
الي حيحصل في الحقيقه حيفوق اعظم افلام الخيال العلمي

[امير المشاعر]

السلام عليكم ورحمة الله
جزاك الله خيرا اخي مجد الدين
متابع لموضوعك يا طيب
لي رجعة الى هنا
تحياتي يالغالي

[بواب سقر]

مرحبا اخي مجد الدين ، شكرا للموضوع.

وجهة.نظري انه لا يعود المسيح عيسى بن مريم ، و لن يخرج دجال كشخص.

المسألة رمزية ، و مسألة ذو القرنين نحب ان نسمع تفسير باطني من الشيخ المهدي وان شاء الله يكون ذلك